ലോക പരിസ്ഥിതി ദിനാഘോഷത്തിന്റെ ഭാഗമായി എടത്തല എം.ഇ.എസ് ട്രെയിനിംഗ് കോളേജിലെ ഇക്കോ ക്ലബ് വിവിധ പരിപാടികള്‍ സംഘടിപ്പിച്ചു. എം.ഇ.എസ് ട്രെയിനിംഗ് കോളേജും എടത്തല ഗ്രാമപഞ്ചായത്തും കുഞ്ചാട്ടുകര ഗവ. ഹയര്‍സെക്കന്‍ഡറി സ്കൂളും സംയുക്തമായിട്ടാണ് പരിപാടികള്‍ സംഘടിപ്പിച്ചത്. ഇതിന്റെ ഭാഗമായി എം.ഇ.എസ് ട്രെയിനിംഗ് കോളേജിലെ വിദ്യാര്‍ത്ഥികളും അധ്യാപകരും ചേര്‍ന്ന് റാലി സംഘടിപ്പിച്ചു. കുഞ്ചാട്ടുകര ഗവ. ഹയര്‍ സെക്കന്‍ഡറി സ്കൂളില്‍ ചേര്‍ന്ന മീറ്റിംഗില്‍ എം.ഇ.എസ് ട്രെയിനിംഗ് കോളേജ് സെക്രട്ടറി ശ്രീ. കെ. ജെയ്നി സാര്‍ മുഖ്യപ്രഭാഷണം നടത്തി. സ്കൂളിലെ നേച്ചര്‍ ക്ലബിന്റെ ഉദ്ഘാടനം ജില്ലാ പഞ്ചായത്ത് സ്റ്റാന്‍ഡിംഗ് കമ്മിറ്റി ചെയര്‍മാന്‍ ശ്രീ. കെ.എ. കുഞ്ഞുമോന്‍ നിര്‍വഹിച്ചു. 'എന്റെ മരം' പദ്ധതിയുടെ ഉദ്ഘാടനം പഞ്ചായത്ത് പ്രസിഡന്റ് ശ്രീമതി ലളിതാ ഗോപിനാഥ് വൃക്ഷത്തെ നട്ടുകൊണ്ട് നിര്‍വ്വഹിച്ചു.
പഞ്ചായത്ത് പ്രതിനിധികളോടും സ്കൂള്‍ അധികൃതരോടും ഒപ്പം എം.ഇ.എസ് ട്രെയിനിംഗ് കോളേജിലെ പ്രോഗ്രാം കോര്‍ഡിനേറ്റര്‍ ശ്രീമതി ബിന്ദു, ഇക്കോ ക്ലബ് അഡ്വൈസര്‍ ശ്രീ ബിനു ടി എന്നിവര്‍ ആശംസ പ്രസംഗങ്ങള്‍ നടത്തി. കോളേജ് യൂണിയന്‍ ചെയര്‍മാന്‍ ശ്രീ. അസൈനാര്‍ നന്ദിയും രേഖപ്പെടുത്തി.
ഔപചാരിക ഉദ്ഘാടനത്തിനുശേഷം പഞ്ചായത്ത് ഭാരവാഹികളും കോളേജിലെ അധ്യാപക വിദ്യാര്‍ത്ഥികളും സ്കൂള്‍ വിദ്യാര്‍ത്ഥികളും ചേര്‍ന്ന് സ്കൂള്‍ ക്യാമ്പസില്‍ 50തിലേറെ വ്യക്ഷത്തൈ നട്ടു.
പരിപാടിയുടെ രണ്ടാംഘട്ടമായി കോളേജ് ക്യാമ്പസില്‍ വൃക്ഷത്തൈ നട്ടു.
പരിസ്ഥിതിയെക്കുറിച്ച് ജനങ്ങളില്‍ അവബോധം സൃഷ്ടിക്കാനും പരിസ്ഥിതി സംരക്ഷണ പ്രവര്‍ത്തനങ്ങളില്‍ active ആയി പങ്കെടുക്കാനും ട്രെയിനിംഗ് കോളേജിലെ വിദ്യാര്‍ത്ഥികള്‍ക്ക് കഴിഞ്ഞു.
No comments:
Post a Comment